प्रतिबिंब

२०० चा नवा रुट     मथळा वाचुन २०० रुपयाला एखादा रुट विकत घेतला की काय असे वाटले ना? छे..छे.. तसं काही नाहीये. २०० च्या बीआरएमसाठी म्हणजे आपल्या भाषेत सायकलिंगसाठी हा नविन मार्ग निर्धारीत करण्यात आला होता. २०० किमीच्या ब्रेवेसाठी. आता ब्रेवेट न म्हणता फक्त ब्रेवे म्हणायचे. फ्रेंच लोकांना ’ट’ म्हणता येत नाही म्हणुन आपणही ’ट’ म्हणायचे नाही. आपण रेस्टॉरंट म्हणतो पण त्यालाच फ्रेंच व्यक्ती रेस्तरॉं म्हणतो. नविन कहीतरी शिकायला मिळतंय. नवनविन काय मिळेल ते शिकत रहावे. तर हा नविन रूट १९ मार्चला पुणे रॅंदोनियर्समध्ये समाविष्ट करण्यात आला. चांदणी चौकातुन सुरुवात, मग पौड फाटा, कर्वे रोड, म्हात्रे पुल पार करुन टिळक रोडने स्वारगेट, पुलगेट, हडपसर, यवत, केडगांव चौफुला, उजवीकडे वळून निरा, मग लोणंद, पुन्हा उजवीकडे वळून खंडाळा (खंबाटकी घाटाजवळ), पुन्हा उजवीकडे वळून एनेच४ वरुन सरळ चांदणी चौकात पोचले की झाली आपली ब्रेवे. पुण्याच्या पुर्वेला जाऊन एक गोल फेरी मारुन आल्यासारखे वाटते. पुणे रॅंदोनिअर्सचा हा रींग रुटच म्हणता येईल. फक्त बाहेरगावावरुन येणा-यांसाठी मात्र हा रुट डोकेदुखी ठरू शकतो. पु...